ပိုးသာကုန် မောင်ပုံစောင်းမတတ်ပညာရေးစနစ်နဲ့ သားကောင်လေးများ

ဇွန်လကျောင်းတွေပြန်ဖွင့်တဲ့အချိန် အနာဂတ်ရဲ့သားကောင်းရတနာလေးတွေပျော်နေကြပေမယ့် မိဘတွေကတော့ အပြင်ကျူရှင်မှာထားရမလား၊ အတန်းပိုင်ဆရာဆီမှာကျူရှင် ထားရမလား၊ ကျူရှင်လခမှ ရှာနိုင်ပါ့မလားဆိုတဲ့ လားပေါင်းများစွာနဲ့ ရတက်မအေး ဖြစ်နေကြရပါ တယ်။

ကျူရှင်လခကလည်း တစ် နှစ်တစ်ခါ ဈေးတက်ပါတယ်။ အိမ်ရှင်မတွေခမျာမှာလည်း ကုန် ဈေးနှုန်းတက်လို့စိတ်ညစ်ရတဲ့ အထဲ ကျူရှင်လခကလည်း တစ်နှစ်တစ်ခါဈေးတက်တော့ မသက် သာလှပါဘူး။ အတန်းပိုင်ဆီမှာ ကျူရှင်မထားချင်လို့ ပြင်ပဆရာ၊ ဆရာမသင်တဲ့ကျူရှင်မှာထားပြန် ရင်လည်း အတန်းပိုင်ရဲ့ငြိုငြင်တာ ခံရမှာစိုးလို့ ငွေကြေးတတ်နိုင်သူ များအနေနဲ့ အတန်းပိုင်ဆီမှာ လည်းကျူရှင်ထားရပါတယ်။ ဒါမှ ကိုယ့်ကလေးမျက်နှာမငယ်မှာ ဖြစ်ပါတယ်။ ကျောင်းသားမိဘ တစ်ယောက်ရဲ့အဖြစ်ကလည်း အံ့သြစရာ ကောင်းလောက်ပါ တယ်။ သူတို့နေတဲ့နေရာနဲ့ အတန်းပိုင်နေတဲ့နေရာကအလှမ်းဝေးတော့ အတန်းပိုင်ဆီမှာကျူ ရှင်မတက်ဘဲ အိမ်နားနီးတဲ့ကျူ ရှင်မှာထားရပါတယ်။ ကလေးကို အတန်းပိုင်ငြိုငြင်မှာစိုးလို့ ကျူရှင်တက်တဲ့အနေနဲ့ ကျူရှင်လခပုံမှန် ပေးနေရတယ်လို့ ဆိုပါတယ်။ အချို့ကျောင်းသားမိဘတွေက ပညာရေးဝန်ထမ်းမဟုတ်တဲ့ သူတွေဖွင့်တဲ့ကျူရှင်မှာထားကြတယ်။ ပြင်ပကျူရှင်မှာထားရင် သင်ခန်းစာအကုန်သင်လို့ စာအထိုက်အလျောက်တတ်တယ်လို့ဆိုကြပါတယ်။
ကျွန်တော်တို့ငယ်ငယ်က ကျူရှင်ဆိုတာမရှိခဲ့ပါဘူး။ ဆရာ၊ ဆရာမတွေက သင်ခန်းစာတွေကို ဖိဖိစီးစီးသင်ပေးကြသလို အချိန် ပိုခေါ်ပြီးလည်း သင်ပေးကြပါ တယ်။ အခုခေတ်မှာ ကျူရှင်က ခေတ်စားနေတော့ မိဘတွေက လည်း မရှိ ရှိတာရှာကြံပြီး ကျူရှင် ထားကြပါတယ်။ ဆရာ၊ ဆရာမ တွေဘက်ကပြန်ကြည့်ရင် သူတို့ ရတဲ့လစာနဲ့ မလောက်တဲ့အခါ စားဝတ်နေရေးအဆင်ပြေစေဖို့ အတွက် ကျူရှင်ဖွင့်တာကို အပြစ် မပြောလိုပါဘူး။ ဒါပေမဲ့ စာသင် ခန်းထဲမှာ ကျူရှင်မတက်နိုင်လို့ ကျောင်းကသင်တာကိုပဲ အားကိုး နေရတဲ့ကလေးတွေရှိသေးတယ် ဆိုတာကိုလည်း သတိထားစေချင် ပါတယ်။ ကျောင်းမှာအပြည့်အစုံ သင်မှာပဲဆိုပြီး ကျူရှင်မထားဘဲ နေမယ်ဆိုတဲ့ စွန့်စားမှုမျိုးကို မိဘ တော်တော်များများက မလုပ်ရဲ ကြပါဘူး။ လက်လုပ်လက်စား မိဘတွေအနေနဲ့ကတော့ ကိုယ့် သား၊ သမီးကို ကျူရှင်ထားချင်ပေ မယ့် ငွေကြေးမတတ်နိုင်လို့ လက် မှိုင်ချနေကြရပါတယ်။
ဒီသင်ခန်းစာကို ဒီဆရာ၊ ဆရာမတွေပဲသင်ကြတာ။ တစ် ခါထပ်ပြီး အဲဒီဆရာ၊ ဆရာမတွေ ဆီမှာ ကျူရှင်ထပ်တက်ရတယ်ဆို တော့ ကျောင်းမှာပြည့်ပြည့်စုံစုံ မသင်လို့လားလို့ မေးခွန်းထုတ်ရ မလိုဖြစ်နေပါတယ်။ လက်ရှိ အလယ်တန်း၊ အထက်တန်းတက် နေပြီး ကျူရှင်တက်နေကြတဲ့ ကလေးတွေကို ‘မင်းတို့ဘာဖြစ်လို့ ကျူရှင်ထပ်ယူရတာလဲလို့’မေး ဖူးပါတယ်။ ‘ကျောင်းမှာ သင်တာ နားမလည်လို့’ဆိုတဲ့ တူညီတဲ့ အဖြေတစ်ခုကိုရပါတယ်။ တက္က သိုလ်ဝင်တန်းမှာ ထူးထူးချွန်ချွန် အောင်ချင်လို့၊ သင်ခန်းစာကိုပိုပြီးကျေကျေညက်ညက်တတ်ချင်လို့ ကျူရှင်ယူတာမျိုး ဆိုရင်တော့ တစ်မျိုးပေါ့။ အခုခေတ်မှာဖြစ်နေ တာက မူလတန်းကလေးကစပြီး တက္ကသိုလ်ကျောင်းသားတွေ အထိ ကျူရှင်မတက်ရင်မဖြစ်တော့တဲ့အခြေအနေဖြစ်နေပါတယ်။အမှန်တကယ် ဖြစ်သင့်တာက ကျောင်းမှာသင်ကြားတာတစ်ခု တည်းနဲ့ ကလေးတစ်ယောက်ရဲ့ ပညာရေးက လုံလောက်မှုရှိနေရ မှာပါ။ ကျောင်းမှာပဲသင်သင်၊ ကျူရှင်မှာပဲသင်သင် ကျောင်းသားအားလုံးမှာ တူညီတာတစ်ခုက ဘာမှမတတ်ကြတာပါပဲ။ အဲဒီလို မတတ်တဲ့ကလေးတွေ ကြီးပြင်း လာပြီး တိုင်းပြည်မှာခေါင်းဆောင် တွေဖြစ်လာကြမယ်၊ နိုင်ငံတကာ နဲ့ယှဉ်ရမယ်ဆိုရင် . . . ဘယ်လို လုပ်ကြမလဲဆိုတာ စဉ်းစားကြည့် ကြပါဦးလို့ပြောချင်ပါတယ်။
နိုင်ငံတော် အစိုးရအနေနဲ့ ကလည်း ဆရာ၊ ဆရာမတွေကျူ ရှင်မသင်ဖို့တားမြစ်မယ်ဆိုရင် လည်း ဆရာ၊ ဆရာမတွေအတွက် စားဝတ်နေရေး အခက်အခဲကို ဘယ်လိုဖြေရှင်းပေးမလဲဆိုတာ အရင်စဉ်းစားသင့်ပါတယ်။ ဆရာ၊ ဆရာမတွေရဲ့ စားဝတ်နေရေး အဆင်ပြေအောင် ဖန်တီးမပေး နိုင်ဘူးဆိုရင် ကျူရှင်ကဆက်ပြီး ရှင်သန်နေမှာဖြစ်ပါတယ်။ ဆရာ၊ဆရာမတွေအနေနဲ့ကလည်း မိမိ တို့စားဝတ်နေရေးအတွက် ကျူ ရှင်ဖွင့်သလို မိမိတို့ရဲ့အတန်းထဲ က တပည့်အားလုံးအပေါ်မှာ စေတနာပါပါသင်ပေးကြပါလို့ တိုက်တွန်းလိုပါတယ်။ ဒါဆိုရင် ကျူရှင်မထားနိုင်တဲ့မိဘတွေ၊ ကျူရှင်ကိုမဖြစ်မနေထားကြရတဲ့ မိဘတွေအတွက် ကျူရှင်စရိတ်ကို အခြားနေရာမှာသုံးလို့ရပါတယ်။ မိဘတွေအနေနဲ့ အသက်ရှူ ပေါက်ကလေး နည်းနည်းချောင် သွားမယ်ထင်ပါတယ်။ ကျောင်း သားတိုင်းကလည်း ကျူရှင်ထက် ကျောင်းစာသင်ခန်းကို ပိုပြီးအား ကိုးလာမှာဖြစ်ပါတယ်။ အခု ခေတ်မှာ ကျောင်းထားပြီဆိုတာနဲ့ ကျူရှင်ထားဖို့ပါ ဖွားဖက်တော် အဖြစ်ပါလာတော့ မိဘတွေလည်းတော်တော် ရုန်းကန်နေကြရပါ တယ်။
ဆရာ၊ ဆရာမများအနေနဲ့ မိမိတို့၏ အသက်မွေးဝမ်းကျောင်း အတတ်ပညာဖြင့် ကျောင်းတွေမှာ ကောင်းမွန်စွာသင်ကြားပြီး ပြင်ပမှာလည်း အားလပ်ချိန် ကိုယ်ပိုင်ဝင်ငွေရှာနိုင်သည်ဟု ပညာရေးဝန်ကြီးကပြောခဲ့ပါတယ်။
ယခင်က ဆရာ၊ ဆရာမများ ဘာမှမလုပ်ကြရန် တားထားချိန်က ခိုးသင်၊ ခိုးလုပ်ခြင်းများရှိခဲ့ သဖြင့် ကျူရှင်ဈေးများတက်သွား ခဲ့သည်ဟု ဝန်ကြီးကပြောကြား သွားခဲ့ပါတယ်။
သို့သော် ဆရာ၊ ဆရာမများ အနေဖြင့် ပြင်ပဝင်ငွေရှာမည်ဆို ပါက အဂတိမပါရန်နှင့် ဘက် မလိုက်ရန်လိုအပ်မည်ဟု ဝန်ကြီးကပြောကြားသွားခဲ့ပါတယ်။ တက္ကသိုလ်ဝင်တန်းတက်နေတဲ့ ကျောင်းသား၊ ကျောင်းသူတွေ တော်တော်များများ ဒီဇင်ဘာလောက်ကစပြီး ကျောင်းကို တစ်ပတ်မှာတစ်ရက်လောက်ပဲသွား ပါတော့တယ်။ဘာဖြစ်လို့ကျောင်း မတက်ကြတာလဲလို့မေးကြည့်တဲ့အခါ ကျောင်းမှာစာမသင်ကြတော့ဘူးလို့ဆိုပါတယ်။ ကျွန်တော်တို့ငယ်ငယ်က ဒီလိုစာမေးပွဲနီးရင် ဆရာ၊ ဆရာမတွေက ဖိဖိစီးစီးသင်ပေးတယ်။ အရေးကြီးတာတွေကို ထပ်ခါထပ်ခါသင်ပေးပါတယ်။ အခုခေတ်က စာမေးပွဲ နားနီးရင် ကျောင်းမတက်ကြတော့ဘူး။ ကျူရှင်တက်နေကြတာများတယ်။ ဆရာမတွေကလည်း စာမသင်တော့ဘူးလို့ပြောပါတယ်။ ကျူရှင်မတက်နိုင်တဲ့ ကလေးတွေအတွက် စေတနာရှင်တချို့က အနီးကပ်သင်တန်းတွေ ဖွင့်ပေးတာတွေရှိလာတဲ့အတွက် သာဓုခေါ်ရသလို ရေရှည်ရပ် တည်နိုင်ပါစေလို့လည်း ဆု တောင်းရပါတယ်။ ကလေးတွေ လည်း ကျောင်းနဲ့ကျူရှင်လုံးလည် လိုက်ပြီး ကစားချိန်၊ ပြင်ပစာဖတ် ချိန်၊ နားချိန်မရှိတော့တဲ့အတွက် ကျူရှင်မရှိရင် ကောင်းမယ်လို့ တချို့ကပြောနေကြပါတယ်။
အချုပ်အားဖြင့်ပြောရရင် အနာဂတ်ရဲ့သားကောင်းရတနာ လေးတွေ ပညာသင်ကြားတဲ့အခါ ကျောင်းနေပျော်၍ စာတော်ရ မည်ဆိုတဲ့ဆောင်ပုဒ်အတိုင်းဖြစ် ဖို့လိုပါတယ်။ အစိုးရ၊ မိဘနဲ့ ဆရာ၊ဆရာမတွေအားလုံးမှာ တာဝန်ရှိပါတယ်။ ကိုယ့်သားသမီးရဲ့အခြေအနေကို သတိမထားဘဲ ကိုယ်ဖြစ်ချင်တာကို ဦးစားပေး မယ်ဆိုရင် မလိုလားအပ်တဲ့ ပြဿနာတွေဖြစ်လာနိုင်ပါတယ်။ အဲဒီလိုပဲဆရာ၊ ဆရာမတွေ ဘက်ကလည်းကျူရှင်ကို အားမကိုးဘဲ ကျောင်းစာသင်ခန်းကို အားကိုးယုံကြည်မှုရှိလာအောင် လုပ်ပေးဖို့လိုသလို ကလေးတွေကို ပုံစံခွက်ထဲရိုက်သွင်းတဲ့ သင်ကြားရေးစနစ်ကိုလည်း အမြန်ဆုံး ပြုပြင်သင့်ပါတယ်။ ဒီလိုမှ မပြုပြင်ကြဘူးဆိုရင် ကလေးတွေအနေနဲ့ ငွေကုန်လူပန်းပြီး အချိန်တန်တော့ ဘာမှမတတ်ဘဲ အောင်လက်မှတ်၊ ဘွဲ့လက်မှတ်တစ်ခု ရလာကြတဲ့အခါပိုးသာကုန် မောင်ပုံစောင်းမတတ်ဆိုတဲ့ပုံပြင်ထဲက မောင်ပုံလိုဖြစ်ကုန်ကြမယ်ဆိုရင် . . . ။

7 Day Daily

Posted in: ဆောင်းပါး